Ispaniya kubogining chorak finalidan o‘rin olgan dastlabki uchrashuvda "Barselona" o‘z maydonida "Atletiko" ustidan minimal hisobda g‘alaba qozondi.Kubok bahsi bo‘lgani uchun jamoalar asosiy e’tiborni o‘z darvozalaridan to‘p o‘tkazib yubormaslikka qaratishdi. O‘yinda ko‘p vaziyatlar yuzaga kelmadi. Kataloniyaliklar har ikkala bo‘limda ikkitadan xavfli vaziyatni yuzaga keltirishdi va ulardan bittasini golga aylantirishdi. O‘yin tugashiga 5 daqiqa qolganida Busketsga nisbatan ishlatilgan qo‘pollik natijasida "Atletiko" darvozasiga penalti belgilandi. Lionelning 11 metrli nuqtadan yo‘llagan zarbasini madridliklar darvozaboni Yan Oblak qaytardi, ammo Messining o‘zi qaytgan to‘pni darvozaga yo‘lladi.
"Barselona" ishonchli hisobda g‘alaba qozona olmadi, ammo ular o‘z darvozalari daxlsizligini saqlab qolishdi. Javob o‘yinida ham to‘p nazorati Enrike shogirdlari tomonida bo‘lishini inobatga olsak, bugungi natija ularni qanoatlantirgan bo‘lsa ajab emas. Javob o‘yini esa bir haftadan keyin "Visente Kalderon" stadionida bo‘lib o‘tadi.
Ispaniya kubogi, chorak final, dastlabki o‘yinlar
Barselona – Atletiko 1:0 (0:0, 1:0)
Gol: 1:0 – 85 Messi.
Noaniq penalti: Messi (85)
Barselona – ter Stegen, Dani Alves, Buskets, Pike, Alba, Inesta (Bartra, 88), Maskerano, Rakitich (Xavi, 77), Neymar, Messi, Suares.
Atletiko – Oblak, Xuanfran, Miranda, Godin, Sikeyra, Suares, Gabi (Ximenes, 87), Koke, Turan, Grizmann (Garsiya, 66), Torres (Mandjukich, 46).
Ogohlantirishlar: Xuanfran (45), Suares (78), Maskerano (80), Mandjukich (82), Gabi (84), Godin (90).
Vilyarreal – Xetafe 1:0 (0:0, 1:0)
Gol: 1:0 – 85 Soriano.
Vilyarreal – Asenxo, Rukavina, Paulista, Kosta, Dorado, Trigeros, Pina (Soriano, 57), Cherыshev, Mario Gaspar (Gomes, 57), dos Santos (Vetto, 72), Moreno.
Xetafe – Lopes, Velaskes, Vigaray, Arroyo, Eskudero, Felip, Rodriges, Sammir (Lago, 80), Inestrosa, Yoda (Sarabiya, 76), Buendía (Kastro, 69).
Ogohlantirishlar: Felip (42), Rodriges (43).
Malaga – Atletik 0:0
Malaga – Ochoa, Anxeleri, Rosales, Veligton, Boka, Samu (Luis Alberto, 82), Anor (Tissone, 65), Orta (Kastilexo, 73), Resio, Amrabat, Xuanmi.
Atletik – Errerin, Riko, Gurpegi, Laport, Balensiaga, Gomes (Susaeta, 59), Iturraspe, Lopes (Akeche, 84), De Markos, Muniain, Uilyams (Aduris, 78).
Ogohlantirishlar: Laport (55), Resio (62), Veligton (81).
Manba: www.stadion.uz.