Bugun bo‘lib o‘tgan matbuot anjumanining ikkinchi qismida Janubiy Koreya terma jamoasi bosh murabbiyi Uli Shtilike hamda terma jamoa hujumchisi Son Xen Min ishtirok etishdi.Janubiy Koreya terma jamoasi bosh murabbiyi Uli Shtilike o‘z jamoasini musobaqada to‘xtab qolish niyati yo‘q ekanini aytib o‘tdi.
«Pley-offning barcha o‘yini qiziqarli kechadi. Biz Osiyo Kubogi bahslarining yarmiga keldi. Bu yog‘iga to‘xtab qolish niyatimiz yo‘q va biz turnirda g‘alaba qozonish uchun oxirigacha kurashamiz. Biz Avstraliyaga aynan shunday maqsadda kelganmiz», - deydi Shtilike.
«O‘zbekiston guruh bosqichida sovg‘a ko‘rsatdi va pley-offga chiqdi. Ular ertaga avvalgi o‘yinlarini o‘tkazgan stadionda yana o‘ynashadi. Bu O‘zbekiston terma jamoasiga kichik ustunlik berishi mumkin», - deya qo‘shimcha qildi murabbiy.
«Raqib o‘z o‘yiniga istaganicha o‘zgartirishlar kiritishi mumkin. Biz esa o‘zimiz haqimizda o‘ylashimiz kerak. Muhimi bizning futbolchilar maydonda qanday o‘ynashlari. Biz professionallarmiz. Har bir futbolchi maydondagi hatti-harakatini etarlicha baholay olishi va kerak paytda muhim qaror qabul qilishi lozim».
«Tarkibimiz ancha yangilandi. Jahon chempionatida ishtirok etgan futbolchilardan ko‘pchilik hozirgi tarkibimizda yo‘q. Biz yangi va yosh jamoa shakllantirmoqchimiz. Ertaga O‘zbekistonga qarshi guruh bosqichida Ummon va Avstraliya terma jamoalariga qarshi ko‘rsatgan o‘yinimizni ko‘rsatishga harakat qilamiz», - dedi Shtilike
Manba: www.Stadion.uz