Ayni vaqtda o‘zbek sport olamidagi eng dolzarb mavzulardan biri, boks bo‘yicha Tokio Olimpiadasiga yo‘llanma berish uchun bo‘lib o‘tadigan musobaqalarga kimlar borishi bo‘lsa kerak... Internet tarmoqlarida bu borada turli xil gap-so‘zlar tarqalmoqda.
Ayniqsa, Shahram G‘iyosovning mazkur Olimpiadaga, umuman ushbu to‘rt yillikning eng muhim turniriga borish yo‘lidagi musobaqalarda ishtirok etishi rasman tasdiqlanganligi haqida ham xabarlar
paydo bo‘ldi.
Bu borada oydinlik kiritish uchun, O‘zbekiston boks terma jamoasi katta murabbiyi To‘lqin Qilichev bilan bog‘landik...
- Ochig‘i, Shahram borasidagi bunday xabarlar tafsiloti haqida ma’lumotga ega emasman. To‘g‘ri, u Yangioboddagi bazada mashg‘ulotlar olib boryapti. Shahram bilan mazkur holat bo‘yicha hali gaplashganim yo‘q, lekin shuni ayta olamanki, biz Bobousmon Baturovni ushbu turnirlarga tayyorlayotgan edik.