O‘zbekiston o‘smirlar milliy jamoasi murabbiyi Azamat Abduraimov JCh-2022 saralashidan o‘rin olgan Saudiya Arabistoniga qarshi o‘yindan so‘ng milliy jamoa bosh murabbiyi Vadim Abramovni tanqid qildi.«Abramovning o‘yini tushunarsiz va biz bunday futboldan ko‘p marta kuyib qoldik. Olimpiyachilarning muvaffaqiyatsizligi va Avstraliya bilan 0:6 ni eslash kifoya. Afsuski nechanchi marta bir xil holatda jabr ko‘ryapmiz»,— deb izoh qoldirdi Abduraimov Facebook`da yozilgan postlardan birida.
O‘zbekiston milliy jamoasi Saudiyaga qarshi o‘yinning 85-daqiqasida 2:1 hisobida oldinda borayotib ikkita gol o‘tkazib yubordi va mag‘lub bo‘ldi. Abduraimov eslagan olimpiya jamoasining o‘yini 2012 yilgi London Olimpiadasi saralashi doirasida o‘tkazilgan va o‘shanda ham Abramov boshchiligidagi jamoa 2:0 hisobida oldinda borayotganda 3 ta gol o‘tkazib, mag‘lub bo‘lgandi.