UFCdagi ilk o‘zbekistonlik jangchi Mahmud Murodov navbatdagi jangini 9 dekabrda o‘tkazadi. Bu haqda sportchi o‘z Instagram sahifasida ma’lum qildi.AQSh poytaxti Vashingtonda bo‘lib o‘tadigan bellashuvda uning raqibi amerikalik Trevor Smit bo‘ladi.
Amerikalik sportchi shu vaqtga qadar 11 marotaba oktagonga ko‘tarilgan. Ulardan 6 tasida mag‘lubiyat alamini totib ko‘rgan.
Eslatib o‘tamiz, Mahmud Murodov o‘zining UFCdagi ilk jangini Kopengagenda o‘tkazgan edi. O‘shanda sportchi italiyalik Di Chirikoni mag‘lubiyatga uchratgan edi.