Butunjahon boks tashkiloti (WBO) sentyabr oyi reytingini e’lon qildi.Unga ko‘ra, (-50,80 kg, 112 fut) vazn toifasida ringga chiqayotgan “Kichik Tayson” deya e’tirof etiluvchi, Olimjon Nazarov (19-5, 11 KO) ham ilk marta o‘rin oldi. Yangi reytingda u 14-pog‘onadan o‘rin egallagan.
Xabaringiz bor, Olimjon Nazarov avgust oyida filippinlik Ivan Sorianoni (20-3-1, 10 KO) ochkolar hisobida mag‘lubiyatga uchratib, “WBO international Flyweight Title” chempionlik kamari sohibi bo‘lgandi.
Qolaversa, (-66,68 kg) vazn toifasida ringga chiqayotgan Qudratillo Abduqahhorov (16-0, 9 KO) bu oyda ham o‘z o‘rnini saqlagan holatda 11-o‘rinni band etgan. Shuningdek,Qudratillo Abduqahhorov IBF reytingida birinchi, WBC reytingida esa oltinchi o‘rinda qayd etilgan.
Super yengil vazn (-63,5 kg) toifasida o‘z janglarini o‘tkazadigan hamyurtimiz Shohjahon Ergashev (16-0, 14 KO) avvalgi oyga nisbatan 3 pog‘ona pastlagan va 11-pog‘onani band etdi. Shohjahon yana WBA reytingida to‘rtinchi, IBF reytingida esa oltinchi o‘rinni egallab turibdi.