Rossiyaning Yekaterinburg shahri mezbonlik qilayotgan boks bo‘yicha jahon chempionatining to‘qqizinchi kunida O‘zbekiston boks terma jamoasining yana ikki vakili chorak finalga chiqdi.O‘zbekison sharafini -57 kg vazn toifasida himoya qilayotgan Miraziz Mirzaxalilov 1/8 finalda marokashlik Muhammad Hamutga qarshi bahs olib bordi.
Raqibiga qaraganda kuchli va aniq zarbalar yo‘llay olgan Mirzaxalilov ushbu bellashuvni o‘z foydasiga hal qildi (4:1) va chorak final yo‘llanmasini qo‘lga kiritdi. U keyingi bosqichda Kayrat Yeraliyev (Qozog‘iston) va Butdi Chatchai (Tailand) juftligi g‘olibi bilan to‘qnash keladi.
Shuningdek, -69 kilogramm vazn toifasida Bobousmon Baturov amerikalik Delante Jonsonga qarshi bahs olib bordi. 3 raund yakuniga ko‘ra Bobousmon Baturov musobaqani davom ettiradigan bo‘ldi (5:0). Endi u chorak finalda Bayarxu Ganbatar (Mo‘g‘iliston) va Ziyad Eyshash (Iordaniya) juftligi g‘olibi bilan kuch sinashadi.
Bungacha O‘zbekiston boks terma jamoasining -52 kg vazn toifasidagi vakili Shahobiddin Zoirov qirg‘izistonlik Azat Usenaliyevni yengib, chorak final yo‘llanmasini qo‘lga kiritgandi.
Terma jamoaning uch vakili esa turnirdagi ishtirokini erta yakunladi. Biroz oldinroq, -91 kg vazn toifasidagi Sanjar Tursunov hindistonlik Sanjit Sanjitga yutqazib, turnirdagi ishtirokini yakunladi. Ungacha -75 kg vazn toifasi vakili Fanat Qahramonov va -63 kg vazn toifasidagi Elnur Abduraimov ham turnirni nimchorak finaldan tark etgandi.
O‘zbekiston terma jamoasining yana 2 nafar vakili chorak final yo‘llanmasi uchun ringga ko‘tariladi.
-81 kg: Dilshod Ro‘zmetov – Andre Paul Aradoay (Ruminiya)
+91 kg: Bahodir Jalolov – Sotne Rogava (Ukraina).
Janglarni tomosha qilish uchun link:
Ring B: Dilshodbek Ro‘zmetov - Andrei Aradoay, 21:30 dan so‘ng, Bahodir Jalolov - Sonte Rogava, 22:40dan so‘ng.