Bir necha soat avvval, yurtdoshimiz Murodjon Ahmadaliyev kolumbiyalik Vilner Sotoga qarshi navbatdagi jangini o‘tkazdi. 55,3 kg vazn toifasidagi 10 raundlik jang muddatidan avval yakunlandi. Jang 4-raundda to‘xtatildi. Texnik nokaut bilan hamyurtimiz g‘alabani o‘z hisobiga yozib qo‘ydi.Mazkur jang Murodjonning profi ringdagi 7- jangi bo‘ldi. Ma’lumki, ushba janglarni barchasida Ahmadaliyev g‘alaba qozongan. Soto esa yurtdoshimizdan anchagina tajribali bo‘lib, bugun u professional ringdagi 29-jangini o‘tkazdi. Faoliyatida bugungini qo‘shib hisoblaganda yetti bora mag‘lubiyatga uchragan. 22 ta jangda g‘alabaga erisha olgan edi.
Eslatib o‘tamiz: Murodjon Ahmadaliyev ikki yo‘nalish bo‘yicha jahon chempioni amerikalik Daniel Romanga qarshi jang olib borishi lozim edi. Ammo, Romanning jarohati sabab, bu jang bekor bo‘lgandi.