Bukmekerlar Osiyo kubogi-2015 ishtirok etuvchi mamlakatlarning musobaqada g‘olib chiqish imkoniyatini baholab, ularga koeffisientlarni belgilashdi.
Eng yuqori baho Yaponiya terma jamoasiga berildi — 3,0 koeffisient. Ikkinchi o‘rinda mezbona Avstraliya terma jamoasi — 3,75. Janubiy Koreyaning qit’a chempionatida g‘olib chiqishi uchun 6,0 koeffisient berildi.
Bu borada Eron terma jamoasi to‘rtinchi o‘rinda (8,00) qayd etilgan bo‘lsa, O‘zbekistonning chempionligi uchun 17,0 koeffisient belgilandi. Imkoniyati eng past baholangan terma jamoa — KXDR (67,0).
Saudiya Arabistonining imkoniyatlari 23,0ga baholangan bo‘lsa, BAA va Xitoyning g‘olibligiga bir xil koeffisient (26,0) berilgan.
Manba: www.stadion.uz