Foto: PFL Futbol bo‘yicha O‘zbekiston Kubogi va Liga Kubogi musobaqalarining yarim finaliga qur’a tashlash jarayoni 2 sentyabr, dushanba kuni bo‘lib o‘tdi.
O‘zbekiston Kubogining dastlabki yarim finalida OKMK o‘zida «Bunyodkor» bilan o‘ynasa, ikkinchi finalchi nomi «Paxtakor» va «Nasaf» ishtirokidagi uchrashuvda hal bo‘ladi.
O‘zbekiston Kubogi Yarim final
1. OKMK — «Bunyodkor» 2. «Paxtakor» — «Nasaf» OKMK Liga Kubogi yarim finalini ham Olmaliqda o‘tkazadi. Mirjalol Qosimov shogirdlari bu bosqichda «Dinamo» bilan to‘qnash keladi. «Paxtakor» esa «Qo‘qon-1912» bilan o‘ynaydi. «Sherlar» ushbu musobaqaning guruh bosqichida qo‘qonliklarga yirik hisobda yutqazib qo‘gandi.
O‘zbekiston Liga Kubogi Yarim final
1. OKMK — «Dinamo» 2. «Qo‘qon-1912» — «Paxtakor» Eslatib o‘tamiz, har ikki musobaqadagi final masalasi bitta o‘yinda hal bo‘ladi.