«Paxtakor» klubi hujumchi Dragan Cheran bilan hamkorlik bo‘yicha yangi qarorni qabul qildi.Toshkentliklar 31 yoshli serbiyalik bilan 2 yillik yangi shartnomani imzoladilar. Endi u 2021 yil yozigacha «Paxtakor» sharafini himoya qiladi.
Cheran 2018 yil yozidan beri «Paxtakor»da o‘ynayapti. Shu paytgacha u 31 ta o‘yinda maydonga tushib, 19 ta gol urishga muvaffaq bo‘lgan.
Futbolchi faoliyati davomida Serbiyaning «Smederevo», «Jeleznichar», «Mladi Radnik», Belgiyaning «Vesterlo», Isroilning «Xapoel Xayfa», «Makkabi Netaniya», Ozarboyjonning «Semurg‘», Saudiya Arabistonining «Ash-Shu’la», Makedoniyaning «Vardar» va O‘zbekistonning «Nasaf» klublarida ham o‘ynagan.