Qarshining "Nasaf" klubi ustozi Ro‘ziqul Berdiyev Sports.uz saytiga intervyu berdi. Ushbu jarayon oqali murabbiyga oxirgi paytlarda matbuotda yangragan xabarlarga oydinlik kiritish uchun unga bir qator savollar bilan murojaat qildik.Ro‘ziqul Berdiyev: "G‘aniyev xorijga ketmasa, o‘zimizning chempionatda bir xil saviyada qolib ketadi".
Ikkinchi davra uchun “Nasaf” tarkibida qanday o‘zgarish bo‘lishi mumkin yoki Ro‘ziqul Berdiyev ikkinchi davrada ham ixtiyoridagi yoshlarga tayanishda davom etarmikin?
- Albatta, rahbariyat bilan tarkibdagi o‘zgarishlar haqida gaplashdik. Asosan klubni kuchaytirish masalasi muhokama qilindi. Agar legionerlarni olsak ham bu borada adashib qolmasligimiz kerak. Buning uchun o‘sha legionerni har jihatdan aniq va chuqur o‘rganib keyin taklif qilishimiz mumkin. Menga bir nechta xorijlik o‘yinchilarni tavsiya qilishyapti.
Ammo bilasiz, hozirgi paytda agentlarga to‘lib ketgan. Ular sizga har xil o‘yinchilarni taklif qilaverishadi. Lekin jamoamizga yordam beradigan va muammoli chizig‘imizni bartaraf etishga qurbi yetsa, shundagina o‘ylab ko‘ramiz. Garchi bizda legioner taklif qilish ehtimoli bor bo‘lsa-da, lekin bu masalada tavakkalchilik qilmoqchi emasmiz.