Bugun, 26 iyun kuni «Surxon» bosh murabbiyi Andrey Miklyayev o‘z arizasiga ko‘ra lavozimidan ozod etildi.«Andrey Gennadiyevich «Surxon» futbol klubida boshqa lavozimni egallaydi. Uning aynan qaysi lavozimni egallashi tez kunlarda e’lon qilinadi», – deyiladi klub matbuot xizmati xabarida.
Qo‘shimcha qilinishicha, yangi bosh murabbiy kim bo‘lishi tez orada e’lon qilinadi.
Eslatib o‘tamiz, mavsum boshida Termiz klubiga Ilhom Mo‘minjonov bosh murabbiy bo‘lgan, ammo u O‘FA tomonidan 1 yilga diskvalifikatsiya qilingach, o‘rnini vaqtinchalik Anvar Soliyev egallagandi. Biroz vaqt o‘tib, Soliyev sport direktori lavozimiga o‘tib, Miklyayev bosh murabbiy etib tayinlangan edi.
«Surxon» klubi Superligada 12-turdan keyin 3-o‘rinni egallab turibdi.