“Barselona” jamoasi hujumchisi Lionel Messi FIFA17 futbol simulyatorining muqovasida bo‘lmaydi, deb yozmoqda Kun.uz nashri.
L'Equipe nashrida yozilishicha, bunga sabab Messining EA Sports bilan shartnomasi yakunlanmoqda va u uzaytirilmasligi haqiqatga yaqinroq.
Messi 2013 yildan beri ushbu o‘yin yuzi hisoblanar edi va u tez-tez EA Sports reklama roliklarida ishtirok etib kelardi.
Neymar va Krishtianu Ronaldu esa Pro Evolution Soccer (PES) futbol simulyatori ishlab chiqaruvchisi Konami bilan shartnoma imzolagan va ular EA Sports simulyatori raqobatchisi Pro Evolution Soccer`ning yuzi hisoblanishadi.
Xabar qilinishicha, EA Sports yangi futbolchi izlamoqda va keyingi yilda FIFAda Messi o‘rnini "Real"ning kolumbiyalik yosh yarim himoyachisi Xames Rodriges egallashi kutilmoqda.