Transfermarkt sayti iyun oyida futbolchilarning yangi transfer narxlarini e’lon qildi. Biz O‘zbekiston terma jamoasi futbolchilarining narxiga qiziqdik.
Yangi reyting bo‘yicha O‘zbekiston terma jamoasining eng qimmat futbolchisi hali ham Odil Ahmedov bo‘lib turibdi. Yarim himoyachi 31 yoshda bo‘lishiga qaramasdan, milliy jamoa va "Shanxay SIPG" safida ishonchli o‘yin namoyish etmoqda. Aynan shu sababli u doimo asosiy tarkibda.
Keyingi o‘rinlarni Sardor Mirzayev, Igor Sergeyev va Eldor Shomurodovlar egallab turishibdi. Ushbu futbolchilar orasida Shomurodovning narxi sezilarli darajada (450 ming funtga) o‘sgan.