O‘zbekiston futbol assotsiatsiyasi anjumanlar zalida tashkilotning navbatdan tashqari yig‘ilishi o‘tkazilmoqda.Tribuna.uz muxbiri xabar berishicha, yig‘ilish vaqtida FIFA referesi Ravshan Ermatov nomzodi O‘FA birinchi vitse-prezidenti lavozimiga taklif qilindi. Uning nomzodi qo‘llab-quvvatlandi va u tashkilot vitse-prezidenti etib saylandi. U o‘z arizasiga ko‘ra ishdan ketgan Umid Ahmadjonovning o‘rnini egalladi.
Ravshan Ermatov jahon chempionatlarida 11ta o‘yinda bosh hakam sifatida ishlagan va bu borada rekordchi hisoblanadi. Ermatov 5 marta Osiyoning eng yaxshi hakami bo‘lgan va bir marta «Globe Soccer Awards» talqiniga ko‘ra dunyoning eng yaxshi hakami bo‘lgan.