Professional boksning super yengil (-63,5 kg) vazn toifasida janglarini o‘tkazib kelayotgan Shohjahon Ergashev (16 ta g‘alaba, 14 ta nokaut) kecha, 9 iyun kuni yana ringga ko‘tarildi.
Rossiyada tashkil etilgan boks kechasida Shohjahon Ergashev rossiyalik Maksim Churbanovga (13 ta jang, 8 ta g‘alaba, 4 ta mag‘lubiyat, 1 ta durang) qarshi jang o‘tkazdi. Unda Shohjahon to‘liq ustunlikka erishdi va uchinchi raunddan so‘ng raqib jangni davom ettirishdan bosh tortdi. Shu tarzda hamyurtimiz texnik nokaut bilan g‘alaba qozondi.