"Barselona" hujumchisi Lionel Messi "Betis"ga qarshi kechgan uchrashuvda (4:0) belgilangan penalti haqida fikrlarini bildirib o‘tdi, deb xabar bermoqda Uff.uz nashri."Men o‘sha vaziyatda yiqilgan edim va hech narsa ko‘rmadim. Hech narsani sezganim yo‘q", - deydi hujumchi.
Eslatib o‘tamiz, Messi "Betis" darvozaboni Antonio Adan bilan to‘qnashib ketgach, penalti belgilangan edi. Neymar 11 metrlik belgidan bergan zarba to‘singa tegib qaytgach, "Betis" himoyachisi Xayko Vestermann avtogol kiritib qo‘ygandi.
O‘sha vaziyatda hakamga e’tiroz bildirgani uchun "Betis" bosh murabbiyi zaxira o‘rindig‘idan chetlatilgan.