O‘zbekiston olimpiya terma jamoasi yig‘indagi so‘nggi nazorat uchrashuvida Doxa shahrida Qatar olimpiya terma jamoasiga qarshi maydonga tushdi va 2:0 hisobida g‘alaba qozondi. Bu haqda Uff.uz xabar bermoqda.Samvel Babayan bosh murabbiyligidagi terma jamoa Qatarga qarshi uchrashuvda ancha yaxshi harakat qildi yakunda 2:0 hisobida g‘alaba qozondi. O‘zbekiston olimpiya terma jamoasi safidagi gollarga ikkinchi bo‘limda Akrom Komilov hamda Doston Tursunov mualliflik qilishdi.
Ta’kidlash joiz, Qatar terma jamoasiga qarshi uchrashuv bilan O‘zbekiston olimpiya terma jamoasining ikkinchi yig‘ini yakunlandi. Bungacha, O‘zbekiston olimpiya terma jamoasi yig‘in davomida KXDR olimpiya terma jamoasiga qarshi uchrashuvda maydonga tushib 4:2 hisobida g‘alaba qozongan bo‘lsa, yana bir nazorat uchrashuvida Suriyaga 0:1 hisobida mag‘lub bo‘lgan edi.
O‘rtoqlik uchrashuvi. Doxa, Qatar. 27 dekabr
O‘zbekiston (U23) – Qatar (U23) – 2:0.
Gollar: Akrom Komilov (73), Doston Tursunov (90).
O‘zbekiston U23: Abdumavlon Abdujalilov, Akrom Komilov, Doston Tursunov, Maksimilian Fomin (Jamshid Boltaboyev, 46), Muhsinjon Ubaydullaev, Otabek Shukurov, Javohir Sohibov, Jamshid Iskanderov (Ikrom Aliboyev, 70), Igor Sergeev (Husniddin G‘ofurov, 66), Doston Hamdamov (Jaloliddin Masharipov, 70), Eldor Shomurodov.