Professional boksning yengil (-61,2 kg) vazn toifasida ringga chiqayotgan Elnur Abduraimov (5-0, 5 KO) 18 may kuni o‘zining navbatdagi jangini o‘tkazdi va navbatdagi g‘alabasini qo‘lga kiritdi.GoSport.uz internet-nashri bergan xabarga ko‘ra, Elnur shu kuni tanzaniyalik tajribali bokschi Issa Nampepechega (29-10-6, 12 KO) qarshi qarshi ringga chiqdi.
Jangning ikkinchi raundida Issa ilk marta nokdaunga uchragan bo‘lsada, o‘ziga kela oldi. Ammo 4 raundning 1:36 soniyasi ortda qolayotgan vaziyat u jangni davom ettira olmasligini bildirdi va hakam texnik nokautni qayd etdi. Natijada Elnur o‘zining beshinchi jangida beshinchi nokautini qayd etdi.
Eslatib o‘tamiz, Rossiyaning Yekaterinburg shahrida joylashgan “RMK yakkakurashlar akademiyasi“ sport saroyida bo‘lib o‘tayotgan boks oqshomida, shuningdek, o‘zbekistonlik boshqa bokschilar yengil vazn toifasida Ravshanbek Umurzoqov (8-0, 7 KO) va ikkinchi yarim yengil (-55,34 kg) vazn toifasi vakili Sardor Muzaffarov (4-1, 2 KO) ham o‘zlarining navbatdagi janglarini o‘tkazishi ko‘zda tutilgan.