Foto: «Ufa.uz»Bugun Malayziya poytaxti Kuala-Lumpurdagi Osiyo futbol konfederatsiyasi shtab-kvartirasida U-16 Osiyo chempionati saralash bahslariga qur’a tashlash marosimi bo‘lib o‘tdi. Unga ko‘ra O‘zbekiston terma jamoasi saralashning «B» guruhida Hindiston, Bahrayn va Turkmanistonga qarshi bahs olib boradigan bo‘ldi.
Saralash o‘yinlari shu yilning sentyabr oyida Toshkentda bo‘lib o‘tadi. 11ta guruhda 1-o‘rinni qo‘lga kiritgan terma jamoalar qatorida 4ta eng yaxshi ko‘rsatkichga ega ikkinchi o‘rin sohiblari ham Osiyo chempionatiga yo‘llanmani qo‘lga kiritishadi.