O‘zbekiston Superligasi 4-turida "Lokomotiv" klubi o‘z maydonida AGMK futbolchilarini qabul qildi va o‘yinni o‘z foydasiga hal etdi.Uchrashuvda hisobni mehmonlar hujumchisi Zafar Polvonov 4-daqiqadayoq ochishga erishdi. Shundan keyin maydon egalari katta kuch bilan oldinga bordi va 43-daqiqada muvozanatni tenglashtirdi. Gol muallifi Temur xo‘ja Abduxoliqov. Oradan ikki daqiqa o‘tib Islom To‘xtaxo‘jayev burchakdan oshirib bergan to‘pni darvozaga boshi bilan aniq nishonga olib jamoasini oldinga olib chiqdi. O‘yin oxiriga qadar ushbu hisob o‘zgarmadi va "Lokomotiv" irodali g‘alabani qo‘lga kiritdi.
Sosa Sola Superliga 4-tur
"Lokomotiv" – AGMK 2:1
Gollar: Zafar Polvonov 3, - 0:1. Temurxo‘ja Abduxoliqov 43, - 1:1. Islom To‘xtaxo‘jayev 45, - 2:1.
"Lokomotiv" - Javohir Ilyosov, Davron Hoshimov, Islom To‘xtaxo‘jayev, Anzur Ismoilov, Oleg Zoteyev, Yovan Jokich, Jamshid Iskanderov, Sardor Mirzayev, Arslonmurod Amanov (Azizbek Amonov, 46), Husniddin G‘ofurov, Temurxo‘ja Abduxoliqov.
AGMK - Akbar To‘rayev, Akmal Shorahmedov, Dilshod Jo‘rayev, Boburbek Yuldashev, Saydullo Rahmatov, Mirolyub Kostich (Sardor Rahmonov, 46), Murodbek Toshmatov (Kamron Saidazimov, 46), Mirjamol Qosimov (Jasur Hakimov, 70), Zohir Pirimov, Jasur Hasanov, Zafar Polvonov.
Ogohlantirish: Boburbek Yuldashev 27.