Velosport boʻyicha Oʻzbekiston terma jamoasi aʼzosi Olga Zabelinskaya navbatdagi oltin medalni qoʻlga kiritdi. Sportchimiz Kiprda oʻtgan “Aphrodite Cycling Race” musobaqasida eng yaxshi natijani qayd etdi, deya xabar bermoqda MOQ.Mazkur turnir Tokioda boʻlib oʻtadigan Olimpiya oʻyinlariga qimmatli reyting ochkolarini berishi bilan ahamiyatli edi. Ushbu muvaffaqiyat Zabelinskayani XXXII Olimpiada sari yanada yaqinlashtirdi.