2018 yil O‘zbekiston Superligasi to‘purari Tiago Bezerra faoliyatini Qatarda davom ettiradi. Bugun Qatarning "Al Xor" klubi Bezerra bilan shartnoma tuzilganini rasman e’lon qildi. U Diyego Akostaning o‘rniga olib kelindi.
O‘tgan mavsum Tiago Bezerra "Paxtakor" safida Superligada 17 ta gol urishga erishgan edi. "Al Xor" Qatar Yulduzlar ligasida 15 ta turdan so‘ng 12 ta klub orasida 11-o‘rinni egallab turibdi.