Madridning “Real” klubi sobiq bosh murabbiyi Zinedin Zidan faoliyatini Angliyada davom ettirishi mumkin.
AS nashri tarqatgan xabarga ko‘ra fransiyalik mutaxassisga “Manchester Yunayted”dan jiddiy takliflar bo‘lmoqda. Ayni damda u ushbu taklifni ko‘rib chiqmoqda.
Zidan “Yuventus” yoki Fransiya terma jamoasini boshqarmoqchi. Ammo, yaqin kelajakda uning bu istagi amalga oshmasligi ehtimoli ancha yuqori. Shu bois u MYudan bo‘layotgan taklifni o‘rganib chiqmoqda.
Eslatib o‘tamiz, bundan avvalroq “Manchester Yunayted” bosh murabbiylikka shuningdek Maurisio Pochettino hamda Massimilano Allegrilarning nomzodini ham ko‘rib chiqayotgani haqida xabarlar tarqalgan edi.