Professional boksning ikkinchi super yengil (-55,34 kg) vazn toifasida ringga chiqayotgan o‘zbekistonlik Murodjon Ahmadaliyev WBA ning yangilangan reytingida uch pog‘ona yuqoriladi.31 oktyabr kuni e’lon qilingan reytingga ko‘ra, Murodjon Ahmadaliyev 3-o‘rinda qayd qilingan. Sentyabr oyi uchun reytingda u 6-o‘rinda borayotgandi. Ayni vaqtda Ahmadaliyev vazn toifasidan qat’i nazar, O‘zbekistonning birinchi raqamli bokschisi bo‘lib turibdi.
WBA reytingidan, shuningdek, yana ikki nafar o‘zbekistonlik bokschi o‘rin olgan. Super yengil (-63,5 kg) vazn toifasida ringga chiqayotgan Shohjahon Hasanov 7-pog‘onani saqlab qolgan bo‘lsa, Shahram G‘iyosov bir pog‘ona pastlab 15-o‘ringa tushgan.
Murodjon Ahmadaliyev va Shahram G‘iyosov 24 noyabr kuni professional boksdagi navbatdagi janglarida ishtirok etadi. Shohjahon Ergashev esa 17 noyabr kuni ringga chiqishi ko‘zda tutilgan.