O‘zbekiston Professional futbol ligasi kelasi mavsumda milliy birinchilikda yana bir liga tashkil etishni rejalashtirmoqda.
Ayni vaqtda yurtimizda futbol bo‘yicha Superliga, Pro-liga va ikkinchi liga bahslari o‘tkazilmoqda. Ikkinchi liga bahslari viloyat birinchiliklari hisoblanadi. Shu bilan birga Pro-liganing o‘zida “A” va “V” guruhlari mavjud.
Uff.Uz'ga ma’lum bo‘lishicha, kelasi mavsumda Pro-ligada faqat “A” guruhi vakillari qoladi. “V” guruhi o‘rnida esa Ikkinchi liga tashkil etiladi. Viloyat birinchiliklari esa Uchinchi liga sifatida yuritiladi.
PFL shu tariqa Pro-liga saviyasini oshirib, Superliga klublari bilan raqobatlasha oladigan muhit tashkil etmoqchi.