Superliga 17-tur uchrashuvilaridan biri bo‘lmish “Buxoro” - “Neftchi” o‘yinidan so‘ng mezbonlar ustozi Ulug‘bek Baqoyev bahs borasidagi fikrlarini bildirib o‘tdi.- Bugungi uchrashuvga o‘zingiz guvohi bo‘ldingiz. Maydondagi o‘yin jangovor ruhda kechdi desam ham bo‘ladi. Yigitlar maydonda ob-havoni issiqligiga qaramay bor kuchi bilan o‘ynadi. Biroq yaxshi vaziyatlardan foydalana olmadik. Shunday bo‘lsada yigitlarga rahmat aytaman. Ayniqsa o‘yin davomida oyog‘idan jaroxat olib, ahvoli yaxshi bo‘lmaganiga qaramasdan maydonni tark etmay o‘yinni oxirigacha o‘ynagan Artyom Filiposyandan ham minnatdorman. “Neftchi”ning keyingi o‘yinlariga omad", – deydi Ulug‘bek Baqoyev.