«Atletiko» klubi va Fransiya terma jamoasi hujumchisi Antuan Grizmann madridliklar safidagi kelajagi borasida gapirib o‘tdi.
«Sizni uzoq muddat kuttirib qo‘yganim uchun uzr so‘rayman. Men qaror qabul qildim, ammo buni bugun e’lon qilmayman», – dedi futbolchi bugungi matbuot anjumanida.
Avvalroq bugun bo‘lib o‘tadigan matbuot anjumanida Grizmann «Atletiko»da qolish yoki jamoani tark etish borasida o‘z qarorini e’lon qilishi xabar qilingandi.