O‘zbekistonning ikkinchi raketkasi Farrux Do‘stov Italiyaning Breshia shahrida davom etayotgan «Chellenjer» turkumiga kiruvchi turnirning yakkalik bahslarida yarim finalga chiqa olmadi, deb xabar qiladi «Olamsport».
Do‘stov mukofot jamg‘armasi 42 ming 500 evroni tashkil etuvchi musobaqaning chorak finalida gollandiyalik Igor Siyslingga 3:6, 4:6 hisobida imkoniyatni boy berib qo‘ydi. Taqqoslash uchun, Do‘stov dunyo reytingida 162, Siysling esa 167-o‘rinni egallab turibdi.
Eslatib o‘tamiz, Farrux Do‘stov ilk davrada italiyalik Matteo Violani 6:4, 4:6, 6:4, ikkinchi bosqichda slovakiyalik Lukash Laskoni 6:4, 6:7, 7:6 hisobida mag‘lub etgan edi.
Manba: Daryo.uz