Xabaringiz bor Toshkentning "Paxtakor" klubi 30 yanvar kuni Osiyo Chempionlar ligasi guruh bosqichiga yo‘llanmani qo‘lga kiritish uchun Qatarda "Al-Garafa"ga qarshi kurash olib boradi. Jamoa vakillari kecha Qatar poytaxti Doha shahriga yetib borishdi. Ushbu muhim bahs oldidan toshkentliklar yetakchilaridan biri Marko Simich o‘z fikrlarini bildirib o‘tdi."Turkiyada o‘tgan yig‘inda jismoniy tarafdan ko‘p ishladik. Bizni oldimizda kutib turgan uchrashuvga kelsak, o‘z futbolimizni namoyish etishga intilamiz. Kuchli raqibga qarshi bellashuv kutmoqda. Yaxshi o‘yin namoyish qilish uchun bor kuchimizni ishga solamiz. Toshkentga g‘alaba bilan qaytishga urinamiz.
"Al-Garafa" yaqindagina yaxshi saviyadagi o‘yinchilar bilan shartnoma imzoladi. Bizning maqsad yaxshi futbol ko‘rsatish sanaladi. Har bir jamoaning kuchli va kuchsiz taraflari bo‘ladi. Biz raqibning kamchiliklaridan foydalanishga urinamiz", - deydi chernogoriyalik futbolchi.