Ashxobod shahrida bo‘lib o‘tayotgan yopiq inshootlarda va jang san’atlari bo‘yicha V Osiyo o‘yinlarida erkin kurash bahslari ham o‘zining qizg‘in pallasiga kirdi.
Bugun sportning ushbu turida gilamga chiqqan 3 nafar vakilimiz terma jamoamiz hisobiga medallar shodasini taqdim etishdi.
Jamoamizga birinchi oltin medalni Mahmudjon Shavkatov olib keldi. Tajribali kurashchimiz Bekzod Abdurahmonov esa finalda eronlik sportchini 6:1 hisobida mag‘lub etishga muvaffaq bo‘ldi.
Ayollar o‘rtasidagi bahslarda 48 kg vazn toifasida yurtimiz sharafini himoya qilgan Dauletbike Yaxshumuratova 3-o‘rin kechgan bellashuvda qozog‘istonlik raqibasidan ustun keldi va musobaqaning bronza medalini qo‘lga kiritdi.