Jahon chempionati-2018 ikkinchi saralash bosqichi uchinchi tur o‘yinlari doirasidagi O‘zbekiston - Yaman o‘yini chiptalari bugun — 25 avgustda sotuvga chiqadi.Markaziy "Paxtakor" o‘yingohida bo‘lib o‘tadigan ushbu uchrashuv chiptalari stadion kassalarida 14:00dan sotuvga chiqariladi. 26 avgustdan boshlab esa har kuni 10:00dan 18:00gacha kassalardan chiptalarni xarid qilish mumkin.
SIP toifadagi chiptalar 30 000 so‘mdan bo‘lsa, qolgan barcha chiptalar narxi 13 000 so‘m.
Eslatib o‘tamiz, O‘zbekiston - Yaman uchrashuvi 3 sentyabr, soat 19:00da boshlanadi.