«Real» g‘alabali o‘yinlar seriyasini davom ettiradi. Bu safar madridliklar qarshisida «Selta» ojiz qoldi. «Qirollik klubi»ning uchala goliga Krishtianu Ronaldu mualliflik qildi. Xet-trik, ajoyib natija.Faqat o‘yinning 35-daqiqasida Ronaldu tomonidan ishlangan shubhali penalti futbol muxlislariga yoqmadi. O‘ng qanotdan to‘p jarima maydonchasiga kirayotgan Ronaldu tomon etkazildi. Himoyachi Xonni jarima maydonchasi tashqarisidan Krishtianuning ortida ushladi va darhol qo‘yib yubordi. Buni sezgan Ronaldu o‘zini erga tashladi hamda jarima maydonchasi ichida yiqildi. Undiano Malenko penalti belgiladi. Ronalduning o‘zi 11 metrli jarima zarbasini golga aylantirdi.
Ikkinchi bo‘limda «Real» o‘z ustunligini namoyish etdi va Ronaldu sheriklariga etkazgan 2ta uzatmani golga aylantirib, yakuniy natijani o‘rnatdi.
"Real" mavsumdagi ketma-ket 18-g‘alabasini qo‘lga kiritdi va Raykard davridagi "Barselona" rekordini takrorladi. Madridliklar hisobidagi ochkolar soni 36taga etdi va ular peshqadamlik qilishda davom etishadi.
Ispaniya chempionati, 14-tur
Real Madrid – Selta 3:0 (1:0)
Gollar: 1:0 – 36, penalti Ronaldu, 2:0 – 65 Ronaldu, 3:0 – 81 Ronaldu.
Real Madrid – Kasilyas, Ramos, Karvaxal, Pepe, Marselo, Ilyaramendi, Xames (Arbeloa, 53), Beyl, Kroos, Benzema (Koentrau, 80), Ronaldu (Ernandes, 85).
Selta – Alvares, Malo, Fontas, Kabral (Gomes, 74), Kastro, Kron-Deli (Mina, 82), Radoya, Orelyana (Fernandes, 70), Ernandes, Nolito, Larrivey.
Ogohlantirishlar: Kabral (11), Kastro (35), Nolito (35), Xames (38), Karvaxal (75), Ernandes (77), Arbeloa (79), Ilyaramendi (87).
Manba: www.stadion.uz.