“Atletik” hamda “Barselona“ klublari o‘trasida Ispaniya Superkubogining dastlabki o‘yini o‘z nihoyasiga etdi. Unda 4:0 hisobi qayd etilib, basklarning g‘alabasi bilan yakunlandi, deb yozmoqda Uff.uz.
Dastlab, o‘yinning 13-daqiqasida San Xose chamasi 49 metrlardan zarba yo‘llab, ter Stegenni dog‘da qoldirishga muvaffaq bo‘ldi – 1:0.
53-daqiqaga kelib, Aduris hisobdagi farqni ikkita to‘pgacha etkazdi. Oradan 9 daqiqa o‘tar-o‘tmas, Aduris hisobni yirik 3:0 ko‘rinishga olib keldi. Bu ham kamlik qilgandek yana ispaniyalik hujumchining o‘zi penaltidan o‘zining uchinchi golini kiritib, yakuniy 4:0 natijasini o‘rnatdi.
Bunaqasi hali bo‘lmagan! “Barselona” bularning bariga hatto bitta gol bilan javob ham qaytara olmadi. “Sevilya” “kombek”i “Barsa“ga salbiy ta’sir o‘tkazgan-mi, yoki boshqa bir sabab bor-mi, unisi noma’lum. Ammo, Luis Enrike shogirdlari endi “Kamp Nou”da bu sharmandalik unutilishini ta’minlashlari lozim.
Ispaniya Superkubogi. Dastlabki uchrashuv
Atletik – Barselona 4:0 (1:0, 3:0)Gollar: 1:0 – 13 San Xose, 2:0 – 53 Aduris, 3:0 – 62 Aduris, 4:0 – 68, penalti Aduris.
Atletik – Iraysos, San Xose, Balensiaga, Echeyta, De Markos, Benyat, Eraso (Gurpegi, 77), Sabin Merino (Inigo Lekue, 66), Susaeta (Boveda, 85), Laport, Aduris.
Barselona – ter Stegen, Vermalen, Dani Alves, Bartra, Adriano, Rafinya (Inesta, 52), Serdji Roberto (Rakitich, 60), Maskerano, Pedro (Ramires, 71), Suares, Messi.
Ogohlantirishlar: Pedro (41), Eraso (44), Benyat (45), Dani Alves (67), Echeyta (70), Susaeta (74), Maskerano (80), Gurpegi (88), San Xose (90), Inesta (90).