Xalqaro futbol federasiyasi hujumchi Neymarning "Santos"dan "Barselona"ga o‘tishini qonuniy deb tan oldi.
Braziliya klubi 2015 yilning may oyida FIFAga e’tiroz bildirib, "Barselona", Neymar va N&N Consultoria kompaniyasi qoidalarni buzganini ma’lum qilgan edi. "Santos" Neymar transferi uchun 17 mln. evro olgan, qolgan mablag‘ (58,5 mln. evro) esa N&N Consultoria kompaniyasiga nasib etdi.
Endi ushbu qarorga apelyasiya berish uchun "Santos"da 10 kun bor. Oldinroq Neymar huquqlarining bir necha foiziga egalik qiluvchi DIS investitsion kompaniyasi futbolchini jazolashni so‘ragan.