Toshkentning “Bunyodkor” klubi iqtidorli hujumchisi Eldor Shomurodov Rossiyaning “Krasnodar” jamoasiga o‘tishi mumkin. Ma’lum bo‘lishicha, 22 yoshli futbolchi bilan muzokara jarayoni deyarli yakuniga etib qolgan va Shomurodov shu yozda katta ehtimol bilan “qaldirg‘ochlar” safini tark etadi.“Shomurodov – o‘zbek futbolining eng iste’dodli yoshlaridan biri. U kelajakda O‘zbekiston terma jamoasining etakchi futbolchilaridan biriga aylana oladi”, deyiladi “Izvestiya” xabarida.
Ma’lumot uchun, u “Bunyodkor” safiga 2014 yilda qo‘shilgan bo‘lib, hozirda jamoaning etakchilaridan biri hisoblanadi. Futbolchi O‘zbekiston terma jamoasi safidagi debyutini esa 2015 yili o‘tkazgan.
Ekspertlarning ma’lum qilishicha, Eldorning transfer qiymati 600 ming evro atrofida bo‘lishi mumkin.