Rossiya chempionatining birinchi davrasining so‘nggi turida «Krasnodar» jamoasi Sankt-Peterburgda «Zenit» mehmoni bo‘ldi. Uchrashuv o‘ta noqulay ob-havo sharoitida o‘tib, maydonni qor qoplagani uchun qizil to‘pdan foydalanildi, deb xabar bermoqda «Kun.uz».Odil Ahmedov jarohat tufayli krasnodarliklarga yordam bera olmagan o‘yinda jamoa o‘z darvozasidan javobsiz 4 ta gol olib chiqishga majbur bo‘ldi. Avvaliga birinchi taymning 11-daqiqasida piterliklar himoyachisi Garay hisobni ochgan bo‘lsa, ikkinchi taymda Vitsel (55), Danni (62) va Smolnikov (68) kabi futbolchilar ham Dikan darvozasini ishg‘ol etishga erishishdi. «Krasnodar» darvozaboni o‘yinni oxirigacha davom ettira olmadi.
Ushbu yirik mag‘lubiyatdan keyin, «Krasnodar» jamoasi turnir jadvalining 3-pog‘onasida qolmoqda. Agar «Dinamo» ertaga o‘z raqibini mag‘lub etadigan bo‘lsa, krasnodarliklar bu yilgi o‘yinlarni 4-o‘rinda yakunlashlari ham mumkin. Chunki, ushbu turdan keyin Rossiya jamoalari qishki tanaffusga chiqib ketishadi hamda bahordan ikkinchi davrani boshlashadi.
Qayd etib o‘tish kerak, jamoada Odil Ahmedovning yo‘qligi bilinib qolyapti. U ishtirok etmagan avvalgi o‘yinlarda ham «Krasnodar» muvaffaqiyatsizliklarga uchragan edi.
Foto: fc-zenit.ru / kun