«Barselona» rahbariyati yarim himoyachi Ivan Rakitich bilan yangi shartnoma borasida kelishuvga erishdi.Yangi shartnoma 2021 yilning 30 iyuniga qadar davom etishi ko‘zda tutilgan. Xorvatiya terma jamoasi yarim himoyachisining transfer qiymati esa 125 million evroga baholangan. Endi Rakitichni o‘z safida ko‘rishni istagan klub aynan shuncha mablag‘ to‘lashiga to‘g‘ri keladi.
Eslatib o‘tamiz, Rakitich joriy mavsum Ispaniya chempionatida 21 uchrashuvda maydonga tushib, 5 ta gol va 2 ta golli uzatmaga mualliflik qilgan.