O‘zbekiston nogiron-amputantlar terma jamoasi Meksikada bo‘lib o‘tayotgan Jahon chempionatining chorak finaliga chiqdi, deb xabar bermoqda «Kun.uz». Vakillarimiz nimchorak finalda Fransiyaga qarshi bahs olib borishdi va 3:0 hisobida g‘alaba qozonishdi. O‘yinning 9-daqiqasida Qudrat Xudoyqulov hisobni ochgan bo‘lsa, Muhammadaziz Arapov birinchi bo‘lim tugashi arafasida hisobni mustahkamladi. Ikkinchi bo‘limda Haydarali Tursunboyev hisobni yirik ko‘rinishga keltirdi.
Shu tariqa, O‘zbekiston nogironlar terma jamoasi JChning chorak final yo‘llanmasini yo‘lga kiritdi. Terma jamoamiz endi yarim final yo‘llanmasi uchun 6-dekabr kuni, nimchorak finalda Yaponiyani 1:0 hisobida mag‘lub etgan Angolaga qarshi maydonga chiqadilar.