Rossiya chempionatining 16-turida "Lokomotiv" o‘z maydonida "Ural" ni qabul qildi va g‘alaba qozondi, deb xabar bermoqda «Kun.uz». Bu o‘yinda Vitaliy Denisov boshlang‘ich tarkibda maydonga tushdi va 24-daqiqada jarohat oldi. "Ural" futbolchisi Aleksandr Eroxin uning tizzasiga tepganidan keyin, Denisov 3-4 daqiqa maydonda oqsoqlangancha harakat qildi, ammo o‘yinni davom ettira olmadi. O‘yinning 30-daqiqasida uning o‘rniga Nemanya Peychinovich tushirildi. Denisovning jarohati qay darajada ekanini tibbiy ko‘rikdan keyin aniqlanadi. "Lokomotiv" 7 dekabr kuni "Terek" bilan bahs yuritadi. Bu o‘yinda Vitaliy jamoasiga yordam bera olmasligi mumkin.