“Krasnodar”ning o‘zbekistonlik yarim himoyachisi Odil Ahmedov Rossiya chempionatining 22-turidan o‘rin olgan “Rubin”ga qarshi o‘yindagi g‘alabadan keyin jurnalistlarga intervyu berdi.“O‘yindagi natija adolatli bo‘ldi, deb hisoblayman. Biz juda yaxshi o‘yin namoyish qildik, ayniqsa, ikkinchi bo‘limda. “Rubin” bungacha kechgan so‘nggi to‘rt o‘yinning barchasida g‘alaba qozonganini inobatga oladigan bo‘lsak, bu g‘alaba yanada yoqimliroq bo‘ladi. Umuman olganda, bu olti ochkolik o‘yin edi. O‘yin sun’iy maydonda kechgani bizga bir oz noqulaylik tug‘dirdi. Shunga qaramay, g‘alaba qozonganimizdan xursandmiz”, – deydi Ahmedov.
Manba: www.kun.uz