Madridning «Real» jamoasi hujumchisi Krishtianu Ronaldu yillik daromadiga ko‘ra Evropaning ko‘pgina top-klublaridan ustun turadi, deb xabar beradi «Daryo».
Krishtianuning vakillari chop etilgan soliq deklarasiyasiga ko‘ra, o‘tgan yilda u 227,5 million evro pul ishlab topdi. Bu ko‘rsatkich Italiyaning «Milan» jamoasi bir yilda topgan puldan ko‘proqdir — «rossoneri» 2015 yilda 198,8 million evro ishlagan edi.
Yaqinda portugaliyalik hujumchi «Real» bilan yangi shartnoma imzoladi. Unga ko‘ra, futbolchi yiliga 23,6 million evro maosh oladi.