Madridning «Real» klubi hujumchisi Krishtianu Ronaldu yangi shartnomaga imzo chekdi. Unga ko‘ra hujumchining maoshi oshgani aytilmoqda.Portugaliya terma jamoasi hujumchisi «Real»da yiliga 23.6 million evro maosh olishi lozim. Bu mablag‘ soliq qiymatidan tashqari ko‘rsatilgan. Shu tariqa Ronaldu «Real»dagi faoliyati yakuniga qadar umumiy hisobda 118 million evro daromad qilishi ko‘zda tutilgan.
Eslatib o‘tamiz, biroz vaqt muqaddam Ronaldu klub bilan 2021 yilga qadar davom etadigan yangi shartnoma imzolagani xabar qilingan edi. Hujumchi tasdiqlanmagan ma’lumotlarga ko‘ra shu vaqtga qadar yiliga 21 million evro maosh olgan.