Jahon chempionati-2018 saralashining uchinchi bosqichi, “A” guruhi, 3-turidan o‘rin olgan O‘zbekiston – Eron uchrashuvini Benjamin Uilyams boshchiligidagi avstraliyalik hakamlar brigadasi boshqarib boradi. Bu haqda O‘zbekiston futbol federasiyasi rasmiy sayti xabar berdi.
6 oktyabr kuni Toshkentda bo‘lib o‘tadigan ushbu o‘yinda Uilyamsga qanotlarda vatandoshlari Devid Uelsh hamda Natan Makdonald yordam beradi. To‘rtinchi hakam – Jared Jillet (Avstraliya).
Mazkur uchrashuv nazoratchisi sifatida Birlashgan Arab Amirliklaridan Salim Said Alsuvaydi tayinlangan bo‘lsa, falastinlik Jabril Ali komissar sifatida ishlaydi.