2 sentyabr kuni Braziliyaning Rio-de-Janeyro shahridagi Paralimpiya shaharchasida O‘zbekiston Respublikasining Birinchi Prezidenti Islom Karimov vafoti munosabati bilan O‘zbekiston bayrog‘i tushirildi.
Bu haqda «Gazeta.uz"ga Milliy paralimpiya qo‘mitasidan xabar qilindi. Ayni damda mamlakat termasi XV Paralimpiya o‘yinlarida ishtirok etish uchun Braziliyaning Rio-de-Janeyro shahrida bo‘lib turibdi.
Milliy paralimpiya qo‘mitasiga Xalqaro Paralimpiya qo‘mitasi rahbari ser Filip Kreyven nomidan maktub ham kelib tushgan bo‘lib, unda qo‘mita rahbariyati va barcha a’zolari nomidan Prezident Islom Karimovning vafoti munosabati bilan chuqur hamdardlik izhor etilgan.