Professional boks bo‘yicha jahonning sakkiz vazn toifasida chempioni Menni Pakyao bokschilik faoliyatini tugatish qarorini o‘zgartirdi. U, ringdan tashqari juda zerikkanini tan olgan. "Men boksni sog‘indim. Men boks olamida o‘sdim. Ringga chiqmaganimdan beri o‘zimni yolg‘iz his qilayapman. Boks – mening his-hayajonimdir.
Men Vargasni kamsitmoqchi emasman. U chempion va men har doim raqiblarimni kuchli bokschi deb bilganman", - deya Pakyao so‘zlarini keltiradi "Kun" nashri.
Xabarlarga ko‘ra, Pakyao shu yilning 5-noyabrida ilk o‘rta vazn toifasida WBO tasnifi bo‘yicha jahon chempioni Jessi Vargas bilan ringga chiqadi.