Suriya terma jamoasi bosh murabbiyi Ayman Al Hakim Tojikistonga qarshi Xo‘jandda o‘tkazilgan o‘rtoqlik o‘yiniga yuqori baho berdi. Eslatib o‘tamiz, Suriya JCh-2018 saralash musobaqasi doirasida 1 sentyabrda O‘zbekiston terma jamoasiga qarshi Toshkentda maydonga tushishi lozim.
- Yana bir bor mezbonlarga bu qadar mehmondo‘stlik uchun minnatdorchilik bildirmoqchiman.
Men bugun Tojikiston terma jamoasi mezbon sifatida ko‘p hujum qiladi, deb o‘ylagan edim. Ammo raqib ko‘proq himoya bilan ovora bo‘ldi. Tan olaman, bu biz uchun kutilmagan holat edi.
Tojikistonga qarshi kechgan uchrashuv O‘zbekiston bilan bo‘ladigan bahs oldidan mulohaza uchun juda ko‘p ozuqa berdi. Toshkentda biz xuddi shunday iqlim sharoitida o‘ynaymiz.
Jamoamiz bu bahsda eng yaxshi o‘yinini ko‘rsata olmadi. Tojikiston terma jamoasi yaxshi himoyalandi va hujumda, ya’ni bizning darvozamiz oldida mutlaqo hech narsa ko‘rsatgani yo‘q. Balki bu narsa murabbiylar ko‘rsatmasiga bog‘liq bo‘lishi ham mumkin. Raqib ikkinchi raqam ostida o‘ynadi, - deydi murabbiy.
Eslatib o‘tamiz, O‘zbekiston - Suriya bahsi 1 sentyabrda, «Bunyodkor» stadionida bo‘lib o‘tadi.
Manba: www.fut.uz