"Manchester Siti" klubi bosh murabbiyi Xosep Gvardiola jamoa hujumchisi Kelechi Ixeanacho haqida o‘z fikrlarini bildirib o‘tdi.
19 yoshli nigeriyalik futbolchi "shaharliklar" bilan 2021 yilgacha mo‘ljallagan shartnomaga imzo chekkan.
– Kelechi bo‘lajak to‘purar. Men uni jamoa bilan ish boshlagan vaqtimda bilganman. Angliyadagi o‘yinlari meni hayron qoldirdi.
Shaxsan menga uning ishga bo‘lgan munosabati va qobiliyati yoqdi. Biz Kelechining eng yuqori pog‘onaga chiqishi uchun yordam bera olamiz, – deya Gvardiolaning so‘zlarini keltiradi "Manchester Siti" klubi matbuot xizmati.
Eslatib o‘tamiz, Ixeanacho o‘tgan mavsum “Manchester Siti” safida chempionat uchrashuvlarida 26 marta maydonga tushgan.