Rio-2016 doirasida 49 kilogrammgacha bo‘lgan bokschilar o‘rtasidagi turnir finaliga yo‘l olgan o‘zbekistonlik bokschi Hasanboy Do‘stmatov bugun Toshkent vaqti bilan soat 22:15da kolumbiyalik Yuberxen Martinez Rivasga qarshi ringga ko‘tariladi.Do‘stmatov 2000 yilgi Sidney Olimpiadasi chempioni Muhammadqodir Abdullaevdan keyin Olimpiada o‘yinlarining final bosqichiga chiqqan o‘zbekistonlik birinchi bokschi bo‘ldi.
Do‘stmatov Olimpiadadagi ilk jangini meksikalik Xoselito Velaskesga qarshi o‘tkazib, 3:0 hisobida g‘alaba qozongandi.
U 1/8 finalda meksikalik Xoselito Velaskesni, 1/4 finalda qozog‘istonlik Birjan Jakipovni ham 3:0 hisoblarida engdi.
Do‘stmatovning 1/2 finaldagi raqibi amerikalik Fernandes Niko Anxel bo‘ldi va bu jang ham "o‘zbek Pakyaosi"ning to‘la ustunligi ostida o‘tib, u finalga chiqdi.
Kolumbiyalik sportchi ishtirokini 1/16 finalda boshlagandi. U avvaliga braziliyalik Patrik Lourensoni turnirdan chiqarib yubordi. 1/8 finalda esa filippinlik Rojen Ladon ustidan ham 3:0 hisobida zafar quchdi.
1/8 finalda Martines Rivas ispaniyalik bokschi Samuel Kamrona Erediyani 2:1 hisobida mag‘lub etgan bo‘lsa, 1/2 finalda kubalik Xoanis Arxilagosni shu hisob bilan engdi.
Manba: Kun.uz